Filipino Grade 7

(Ang sumusunod na mga aralin ay matatagpuan sa aklat na Pinagyamang Pluma 7)

1.   Ang Alamat ng Palendag

2.   Alamin Natin : Mga Elemento ng Alamat (Tauhan)

3.   Alamat ng Tandang

4.   Alamin Natin: Mahahalagang Kaisipan ng Alamat

5.   Alamat ng Paruparo

6.   Alamin Natin: Mahahalagang Elemento ng Alamat

KAYARIAN NG PANGNGALAN

a.    Payak- pangngalang binubuo ng salitang –ugat lamang

Halimbawa: anak, bayan,

b.    Maylapi- ito ay binubuo ng salitang-ugat at panlapi

Halimbawa: magkapatid, kaarawan, kabuhayan

c.    Tambalan- ito ay binubuo ng dalawang salitang pinagsama upang makabuo ng isang salita.

2 Uri ng Tambalan

1.   Malatambalan- kapag ang bawat isang salitang-ugat na pinagtambal ay hindi nawawala ang kahulugan

Halimbawa:  balik-bayan

2.   Tambalang ganap- kapag nawawala ang kahulugang ng mga salitang pinagtatambal

Halimbawa: bahaghari

d.   Inuulit- kapag ang salita ay binubuo ng pag-uulit ng salitang-ugat o bahagi nito at ng isa o higit pang panlapi

Halimbawa: anak-anakan, kababata

GAMIT NG PANGNGALAN

a.    Bilang simuno ng pangungusap

Halimbawa:

          Ang ina ay itinuturing na ilaw ng tahanan.

b.    Bilang pantawag

Halimbawa:

          Ina, maraming salamat pos a pagmamahal ninyo.

c.    Kaganapang pansimuno

Halimbawa:

          Si CorazonAquino ay ina rin ng demokrasyang Pilipino.

d.   Pangngalang pamuno

Halimbawa:

          Si Corazon Aquino, isang ina ay naglingkod bilangpangulo ng Pilipinas.

e.    Layon ng pandiwa

Halimbawa:

          Ang Diyos ay nagbigay ng ina upang may magmahal sa atin ng lubos.

f.     Layon ng pang-ukol

Halimbawa:

          Para sa aking ina ang ginagawa kong pagsisikap sa pag-aaral.

KAUKULAN NG PANGNGALAN

a.    Palagyo- nasa kaukulang ito ang pangngalan kung ito’y ginamit bilang simuno, pangngalang pamuno, pantawag, at kaganapang pansimuno.

b.    Palayon- nasa kaukulang ito ang pangngalan kung ito’y ginamit na layon ng pandiwa o layon ng pang-ukol.

c.    Paari- ito ang kaukulan ng pangngalan kung may dalawang pangngalang magkasunod at ang ikalawa ay nagsasaad ng pagmamay-ari.

PANGHALIP PANAO: PANAUHAN, KAILANAN AT KAUKULAN

Ø  Ang panghalip panao ay inihahalili sa ngalan ng tao.

Panauhan ng Panghalip Panao

a.    Unang Panauhan-  ang panghalip ay humahalili sa taong nagsasalita.

Halimbawa: ako,ko, akin, kami, tayo, naming, natin, atin

b.    Ikalawang Panauhan- ang panghalip ay humahalili sa taong kinakausap.

Halimbawa: ikaw, ka,mo, iyo, kayo, ninyo, inyo

c.    Ikatlong Panauhan- ang panghalip ay humahalili sa taong pinag-uusapan.

Halimbawa: siya, kanya,niya, sila,kanila,nila

Kailanan ng Panghalip Panao

a.    Isahan                 halimbawa:  ako, ikaw, siya

b.    Dalawahan          halimbawa:  kita, kata

c.    Maramihan          halimbawa: tayo,kami, kayo, sila

Kaukulan ng Panghalip

a.    Palagyo- ang kaukulan ng panghalip kung ito ay ginamit bilang simuno at kaganapang pansimuno

Halimbawa:  ako, ikaw, siya, kami, tayo, kayo, sila

b.    Paukol o Palayon – ang kaukulan ng panghalip kung ito ay ginamit bilang layon ng pandiwaatlayon ng pang-ukol

Halimbawa: ko, ka, mo, siya, namin, ninyo, sila

c.    Paari- ang kaukulan ng panghalip kung ito ay nagsasaad ng pagmamay-ari

Halimbawa: akin, iyo, kanya,niya, natin,atin, inyo, kanila,nila

	Palagyo	Palayon	Paari
Isahan
Una Ikalawa Ikatlo	ako ikaw siya	ko ka, mo siya	akin iyo kanya, niya
Maramihan
Una Ikalawa Ikatlo	kami, tayo kayo sila	namin ninyo sila	natin, atin inyo kanila, nila